22 Signatures
100 for collection target
Subscribe to the petition.
You will be informed as soon as the revised petition can be signed again.
Petition addressed to: Македонски Телеком, А1, М Тел, Агенција за електронски комуникации
Со оваа петиција бараме:
1. Мобилните оператори и АЕК да извршат теренска проверка и мерење на квалитетот на сигналот во селото Дабиле (особено во критичните зони) и да изготват план за подобрување.
2. Да се преземат соодветни мерки за засилување и оптимизација на мрежата – поставување дополнителни базни станици/репетитори или друго техничко решение, со цел обезбедување стабилен сигнал и квалитетен мобилен интернет за сите жители.
3. Агенцијата за електронски комуникации да биде информирана и, согласно своите надлежности, да го следи процесот и да обезбеди заштита на интересите на корисниците.
Со потпишување на оваа петиција, ние ја изразуваме нашата волја и заеднички став дека подобар мобилен сигнал не е луксуз, туку основна потреба за безбедно и достоинствено живеење во нашето село.
Reason
Ние, долупотпишаните жители и пријатели на селото Дабиле, Општина Струмица, изразуваме сериозна загриженост поради слабиот и нестабилен сигнал на мобилните мрежи во голем дел од селото. Оваа состојба трае подолг период и значително го отежнува секојдневното живеење, работата и безбедноста на жителите.
Во повеќе делови од селото постојат „слепи точки“ каде сигналот често целосно исчезнува или е толку слаб што не е можно да се изврши ниту обичен повик, ниту да се користи мобилен интернет. Ова создава проблеми во:
· повици во итни случаи (итна помош, пожарна, полиција);
· комуникација со семејства и ученици кои учат онлајн или користат дигитални алатки;
· секојдневна работа на земјоделци, мали бизниси и иселеници кои комуницираат со своите блиски.
Сметаме дека жителите на Дабиле имаат право на квалитетна и сигурна електронска комуникација, во согласност со современите стандарди и со обврските што ги имаат мобилните оператори кон своите корисници.
Thank you so much for your support, Здружение на граѓани МОЕ ДАБИЛЕ с. Дабиле, Струмица, Струмица
Question to the initiator
Petition details
Petition started:
06/21/2026
Collection ends:
12/20/2026
Region:
North Macedonia
Topic:
Internet
